Bier van de maand Februari 2024 Tarot Noir Lindemans Delen

Ah ier ze, de fanatieke bierproevers
Er wa ne kjè …  azwo begunn oal de skwonste sprookskes.  Wok iere  bie Lindemans,  oal mjèr dan 200 joar blenden zulder lambiek tot Geuze mo wok met weuge ( hoge)  gistingsbieren en frut.
Ulder latste nieuwe creaties ein iets spiritueels en mysterieus.  Zulder ein via de Tarotkaarten laten voorspellen dat je gulder het mjèst zot zit van den bestn frutlambiek ter weirelt.  En tes juste weie want ze zin uitgekozen bie Beer Awards tot beste frutbier ter weirelt.
Tarot Noir, dat es ous bier van de moand en de andere creatie es Tarot D’or.
Oje da proeft, eie in de neuse een zwoel, intens en natuurlijk aroma van donker en rood frut met in de mond een sappige ronde smaak van bosbessen, zwarte bessen en zoete vlierbessen. Een fris zuurtje zorgt vo nen aangenoame fraicheur. Den afdronk is doadeure verrassend zoachte en fris.
Gene plakboel in uwe mond. Een aangename balans tussen zoet en fraicheur. Echt een mysterieuse beleving.
Oje die mysterieuse belevinge van Tarot Noir wok wil meemoakn, kom ton van de moande noa ouze shop en bestelt u een bakske, wok online te krign via onze webshop. Ge meugt zelfs ne kjè ne zoaterdag komn proevn vo niet.
Als Bourgondiër eik ik wok ne kjè de Tarotkaartn loaten leggn van Lindemans ( toont de kaarten) en die koartn zeggn dat Tarot Noir wok enorm goed es bi parelhoenfilet met zwarte kersen, nen Brie de Meaux, Vanille crème met choclasause en Zwarte woudtoarte.
En nu moake kik die belevinge mee in deze prachtige brouwerie. Oal 6 generaties est er hier passie voor het bier.
Ja, kgoa me ne kjè spiritueel loatn goan we…   Allee, Santé!