Cristal Bier van de maand Juli 2024

Geplaatst op 29/06/2024


Ah ier ze de fanatieke bierproevers

Eindelik een betje goe were… t was mjer of nodig damme een beitje zunne ip ous vel ein. En bie goe were, past er een fris pintje en mein ne primeur. Vo den jeste kje goan we ne pils als bier van de moand vworstelln. En niet den jesten den besten weie.

Het es den jesten Belgische pils van ljege gistinge met oljene moa Belgische ingredienten en wordt al gebrouwen van  in1928. Ze waren er toen, en nog oalsan vrje preus ip. Het zin de pioniers in de pilsweirelt.

Cristal alken , dad es ouse pils van de moand. Ne pils gelik dat ne pils moet zin.

Oje da proeft, eie in de neuse nen aangenoame fraicheur van granen, hop en fruitigheid met in smoake een perfecte hoppigheid en een onweerstaanbare drang naar een volgende slok door het droogtrekkende van de nabitterheid.  Dat es tenminste ne pils. De  kwaliteit van het veld, het vakmanschap en passie da proef je in het glas.

In dezelfde zjanger  eije wok een lekkere alcoholvrije Cristal en den Cristal extra.

En nu magge kik die belevinge meemoaken bij restaurant Vincent ip de grote mart van Kortrick. Twope met zin vrouwke Ilse soigneren zulder magnifiek ulder clienten. Ier serveren ze den top van klassieke keuken woabi da Vincent ne crack es an zin stove. Vindt oalsan de beste marchandise en zorgt  vo een topbelevinge ip u assiette.

Dus ne frisse Cristal Alken als apéro en een poar amusekes, es ier ne skitterende match.

Ki der lik dust van gekregen,  Tshing tsjing ip ne goe congé

Meer info of advies nodig over dit nieuwsitem?

U kan ons steeds telefonisch contacteren via 056 35 91 88 of vul ons contactformulier in.

Schrijf u in op onze nieuwsbrief

Ontvang maandelijks gratis onze nieuwsbrief en blijf op de hoogte!