Cuvee des trolls bier van de maand September 2023 Delen

Ah ier ze, de fanatieke bierproevers.
Zin de batterietjes were ipgeloan? Goe congéetje had? Ouz oetje en short meugn were in de kasse. Wulder zin der gereit vworn.
En me vliegn derin met een bier ut Pipaix  van Brasserie Dubuisson.
Een sprookskesachtig bier met een speciaal bjestje.
Cuvee des trolls, dad es ous bier van de moand. Een strogeel blond bier, ongefilterd met ne natuurlijke sluimer.
Oje da proeft eie in de neuze fris wit en geel frut en toetsen van mandarientjes, met in de smoake een skwone balance tussen zjem en hjel licht bitterke, volmondig en ne skwonen body voor een bier van 7 graden.
Oje die belevinge wok ne kje wil meemoaken, kom ton van de moande noar oese shop en kwopt u een bakske, wok online te krijgen via onze webshop.
Ge meugt zelfs ip zoaterdag 16 September komn proevn vo niet.
En nu zit ik iere in t Parlement. Nie in Brussel é moa in Harelbeke. Een toffe brune boite met veel toffe iptredens (plenaire zittingen, noemt Nico da)  en een tof assortiment bierkes. Cuvee des Trolls stoat ier vaneigens vast ip de koarte.  
En mein ne primeur. Vanaf nu es Cuvee des trolls niet me in flasselkes van 25cl moa van 33cl met ne fantastische rebranding. De marketing eit doa echt ulder beste gedoan. Chapeau!
Kom moa ne kjè oaf noa t Parlement. Ge meugt ier uw gedacht zegn wuk daj van Cuvee des Trolls peist.
Allee, Santé é!