Delirio 0.3% Bier van de maand Delen

Ah ier ze, de fanatieke bierproevers

Angezien oal de brouwerien inzettn ip alcool oarme biern, goan wip dezelstn weug vworz. Eigntlik goan me van consumeren noa consumindern mo wel consubetern.  ‘K moe wel zeggn dat de brouwers olsan de focus houdn ip goe marchandise.

Vandoage stoat er nen roz’n olifant in ‘the picture’ mo ton jèn zondr alcool, allé gow… verre gein alcool.

Delirio van brouwerie Huyghe, dad es ous bier van de moand.

Oje da proeft eie in de neuze licht moutig aroma, wa krudn en frut,  met in de mond een finne peirelinge, een  ronde smoake en nen frutign, hoppign afdronk. Een bier met pit en nen excellentn vo den dust.

En vandoage meuge kik die belevinge meemoaken in eet en bierbrasserie  t Mouterijtje in Kortrijk, flakke an de prachtige Leiebwordn.

Een gevarieerde eetkorte met mjèr dan 100 bieren op flasse en 10 ip t vat en wuk oje ge peist? Delirio stoat ier wok te blinkn ip de koarte.

Delirio es als apero nen topper met wa hummus en dipsauskes. En ge meugt er zovele van drinkn of daje wilt, Roze olifantjes goa je doa nie van zien.

Allée, santé!