Hapkin, bier van de maand April 2026 Delen

Ah ier ze, de fanatieke bierproevers

Tes oal un endeke dak ondervinde dan de minshen werekjèrn noa vroeger oat over smoake goat.  ‘Back to basic’. En jèrlik, da doe mi deugt. Bie de biern zie kik juste ‘t zelfste. Simpel, krachtig en mjestoal lokaal.  Hapkin, oorspronkelijk ut het Houtland en gebrouwn in Kortemark, es doar un skitterend vworbeeld van en dad es our bier van de moand.

Oje da proeft eie in de neuze wa florale en fris frutige toetsen, met in de mond een volle smoake, een verfint aroma met een subtiele moa eigenzinnige hopbitterheid. Da komt deur 4 kjèrn te hoppen binst brouwproces. Dad es uniek. Vo mi een bier met enorm veel pit en karakter.

Eigenlijk is da bier ontwikkeld mjer dan 900 joar geleen. Graaf Boudewijn de zevenste van Vloandern , oftewel Boudewijn met de bille gaf ipdracht om een sterk blond bier te brouwn vo zin soldatn. En dat es het resultaat. Kmoe zeggn, ik ben oal mjer of 35 joar fan van Hapkin.

Wok culinair nen topper bij visgerechten, zelfs met een beutersauske. Bij aspergn à la Flamande, Bie chicons in espe met een kruidige kaassause en nog zo vele mjer.

Oje die machtige belevinge van Hapkin wok wil meemoaken, zie je mjer dan welgekomen, hier in onze winkel in Eule. We zin zelfs were oale doagn open over de noene. Ge kunt uwe bak wok loatn thuisbringn en ge kunt uw Hapkin online bestellen via ouze Drinxitwebsite.  Dus oalles es meuglik. En der goan grwutte kortingn zin. T zou jammer zin moestje doa nie van profiteren é.

Tot noast moande ?