kasteelbier Rouge 0.0% Delen

Ah ier ze, de fanatieke bierproevers

‘Dry Januari’ es achter de rugge en nu goan we van de moande ‘Tournee minérale’ in.

Niks verkjèrt mee, want de range met bieren zonder alcool, bluft groeien.  Vandoage meug ik een topperke vwornstelln da wok ulder jèste specialbier es zonder alcool.

Kasteel rouge 0.0 van brouwerie Vanhounsbrouck. Echt wel boenke derip zondr in te boetn ip kwaliteit en smoake.

Oje da proeft, eie in de neuze, aroma’s van kriekn en ne lichtzoete geur met toetsn van vlierbloesem. In de mond een verfrissende smoake, un vulle,  fluweelzoachte strelinge woabie dan de lichte zuurkes zorgn dat de zoetigheid van de kriekn nie overheerst.  De noasmoake es verfrissend en eje goeste in nog ne slok.

In feite kundje ollemoale met nen Kasteelbier rouge 0.0 ip gelik wuk un moment van den dag genietn van een speciaalbier, bwurdevul smoake.

De studentn binst den blok, oje Bob zit, oje in verwachtinge zit, zelfs oeze chauffeurs kunn binst under pauze genietn van nen Kasteelbier rouge 0.0

En nu benkik ant genietn in de winterbar van t Vijverhof in Wevelgem. Oalsan sfeer, gezelligheid en ambiance. Un skwone vue ip t woater en oalsan un twadde te doene.

Pas ip, niet oljène in de winter hé. Gjeil t joar zin der iere evenementen ip en langs twoater. In t vworjoar en de zomer es da ier vakanse in eigen streke. Echt iets vo noar ut te kiekn.

Nog een culinair tipke, nen crème brullé of un chocomouske. Beiregoet met nen Kasteelbier Rouge 0.0

Tot noaste moande hé