Lowa Trolls Hoppy Free bier van de maand Delen

Ah ier ze de fanatieke bierproevers

Der es nog een brouwerie die er in gesloagd es om een lekker bier zonder alcool, of toch nie vele, te fabriceren. Ze wrijven ut ous gjèle doagn in onz oanzichte, verstandig met alcool  ommegoan vo ous welzin en gezondheid.    Ahwel, me goan dat doen.

Lowa Trolls es ous bier van de moand. De latste en langverwachte innovatie van Brasserie Dubuisson. Past ip, die brouwerie bestoat oal 250 jaar, dus die gasten wetn wuk dan ze doen é. Lowa Trolls es verkozn tot het beste bier ter weirelt in die categorie.

Oje da proeft eje in de neuze un hoppig en floraal karakter, angevult met citrustoetsen met in de smoake een mengelinge van een aanhoudend bitterke, een licht zoetje moa wok een gecontroleerd zuurtje. De bisquitmout zorgt voor un zoacht  en rond gehjel.

Oje die beleving van Lowa Trolls wok wil meemoakn, komt ton noa T Parlement in Harelbeke. Un tof bruin café in Harelbeke, een uitgebreide bierkoarte en regelmoatig zijn der ier Plenaire vergaderingen, t’is te zeggen, iptredens. Oje in tgebeurchte zit, spring zeker ne kjè binnen bij Nico.

Lowa Trolls it zekers zin platse in de reke van smoakvolle biern zonder alcool. Nu kun je wa vworoat insloan voor oal die thema’s dien ip u oafkomn. De BOB campagne, de eindejaarsfjestn, Dry Janari, Tournée Minerale en go azo mo vworz. En wok vo de menschen die azwo gein alcool willn nuttigen. Oale respect.

Alé Santé