Tout Bien Pils van de maand Juli Delen

Ah ier ze, de fanatieke bierproevers                                    

Oalles Goe? Met mi ‘Tout Bien’ weie. ‘Back to basic’ est vandoage en ne primeur ip de kwup toe. Content damme de moeder van oale dranken meugn presenteern en nu wok in un beirechique flasselke.

Tout bien,  dad es ouse pils van de moand. Het mjest geweune bier van de weirelt volgens Rob.

Oje da proeft eie in de neuze un hoppige verfrissinge, un skwon vast skum met in de mond, fris, licht bitter en subtiel moutig. Den afdronk es drwugnd en inviteert u vo nog ne slok. Wok ut de buuze stif goet tegen den dust.

Ah, ge wit nie wa da een buuze es? Da flasselke vaneigens. Geit zelfs gene opendoender nwudig. Tes  lipketrek.

Oal de Tout Bien biern zin te krign, iere in onze winkel in Eule. We zin zelfs oale doagn open over de noene EN de zundag van ten negnenolf tot ten twoalv. Of we bringn die dooze bie joe thus. Online goat wok via ouze Drinxitwebshop. Dad des servies é.

Tout Bien eit gezorgt dat ‘the piss of angels’  hip en trendy es en were de platse et ip de mart da ze verdient. Vanboven. D’accord?

Een culinair tipke?  Un kommeke gemingd. Chips met Zout en paprika of een zakske frietjes met mayo en un frikandelle. Machtig met un ‘Tout Bienke’

Voilà, geniet zonder moate van ulder congé!  Santé!