Westmalle extra bier van de maand mei 2025 Delen

Ah ier ze, de fanatieke bierproevers

Van de moande stoat er were een ‘hip en trendy’ bier in ‘the spotlight’. Pertank  es den basis oal vrjè oud, van in 1836. Oe kant dadde?  ziek ulder peizen.  Ahwel, ‘k goat ulder explicern.

Westmalle extra, dad es ous bier van de moand. 

Oje da proeft eie in de neuse frisse, frutige toestn en rikke aroma’s, met in de smoake verrassend vulmondig  en toch ideaal vo den dust.

Eigentlik es den ‘Extra’ den jesten trappist van de brouwerie dan de poaters olle doage bie ulder eten dronkn. En vandoage es dadde nen hippe en trendy trappist. Ge moe ne kje kiekn wuk een beiretof glas.

Westmalle extra es smoakbelevinge tot en met! Ge kunt dadde perfect ip café in companie drinken omdat diene trappist leige in alcool es.

Oat er in Kortrijk jeine café es wo daje Westmalle extra in toffe companie kunt drinkn, est ier. Kunstkroeg Den Doedelzak. Een gjestig brun café woar da iederjein em jeunt en woar da iederjen mekoar kent. Ambiance troef weje.

Pas ip, oal de swortn WestMalle worden ier geserveerd deur de sympathieke café boas, Olivier.

Westmalle extra, oe chique es dadde.

Ip de vriendskap!