Westmalle tripel bier van de maand maart 2024 Delen

Ah ier ze, de fanatieke bierproevers.
Vandoage goan me t kein ein over de moeder van alle tripels. Gebrouwn van in 1934.      
Rappeleer julder nog dak vorig joar klapte over de Westmalle Dubbel en nog ne kje  t joar doavworn de Westmalle Extra?
Ahwel, nu es Westmalle tripel de sterre vande moand.
Oje da proeft eje in de neuse  een frutige geur van rijpn banan en een skwone hopneuze, met in de mond, een zachte romige smoake, met een bitterke gedroagn deur het frutaroma. Ge geniet van een machtig lange en drogn afdronk.
En vandoage meuge kik die belevinge meemoaken in eet en bierbrasserie  t Mouterijtje te Kortrijk, vlak an de prachtige Leiebwordn.
Een gevarieerde eetkorte met meer dan 100 bieren op fles en 10 op t Vat. Westmalle dubbel zit hier op het vat. Wuk peis je doa van?
Nen Culinairn tip? Westmalle tripel en ne klassieker en met een assortiment abdie koazn of een zjetonge, die 3 kjern gezwomn eit. Ne key in de zee, ne kje in de beuter en ne kje in u moagske
Ja, Erwin lat die zjetonge moa kommn weie, min vertellingske es gedoan.
Allée, santé!